لا عناء بعد اليوم فى تحمل مسؤلية تدبير المنزل خاصةً ما يتعلق بتدبير الطعام والوجبات 

كى لا تعانى من هذا الإرهاق أتيت لكى بميزانية تكفى أربعة أفراد لمدة أسبوع بتكلفة بسيطة ومتاحة للمستوى المتوسط 

أولاً ميزانية اللحوم:-

تجيبى كيلوا واحد لحمة جملى من الجزار ب 50 جنيه يكفى ليومين. – وكمان ربع لحمة جملى مفروم ب 11 جنيه تكفى يوم واحد. – فرخة طازجة من عند الفرارجى كيلو ونصف ب 25 جنيه تكفى يوم واحد. – واحد كيلو ونصف سمك بلطى ب 20 جنيه يكفى لمدة يوم واحد بحيث يكون نصيب الشخص سمكتين متوسطتين. وبكدة يبقى خمسة أيام لحوم واليومين الباقيين ممكن تعملى بالشربة طبيخ أو محشى. تبقى ميزانية اللحوم ب 106 جنيه.

ثانياً ميزانية الخضروات:- – طماطم ب 4 جنيه (لما بتكون رخيصة). – 3 كيلو بطاطس ب 6 جنيه. – نصف كيلو بسلة ب 2 جنيه. – ربع كيلو جزر + نصف كيلو خيار + ربع كيلو فلفل ب 4 جنيه. ربع كيلو دقيق ب 1 جنيه. تبقى ميزانية الخضار 17 جنيه. وتجيبى 3 كيلو أرز + 4 كيس مكرونة ب 20 جنيه. ونصف كيلو فول تدميس ب 4 جنيه + نصف كيلو جبنه دومتى ب 8 جنيه  للفطار مع بطاطس محمرة.+ 7 جنيه عيش + كيلو لبن ب 6 جنيه = 25 جنيه.

بالنسبة لميزانية المنظفات:-

– واحد كيلو تايد أوتوماتيك ب 13 جنيه + صابون سائل ب 2 جنيه + ديتول ب 2 جنيه = 17 جنيه.

كده تبقى كل الميزانية 185 جنيه وهي ميزانية تكفى أربعة أفراد لمدة أسبوع وجميع الأيام أكل لحوم وأكل بلدى وبالطبع ممكن تقتصدى أكتر ومش كل الأيام لحوم ممكن تستبدليها بأكلات أخرى 

ملحوظة:- الميزانية دى مجرد اقتراح لتبدأى ميزانيتك بما يناسبك إنتى وعيلتك.