في حاجات كتير أوي  بنشتريها وبعد ما نستخدمها بنرمي العلبه أو الزجاجه أو الشنطة …..

1- (الزجاجة ) بعد ما تشربي العصير أو المياه الغازية في زجاجات بيبقى ليها شكل وغطاها لونه حلو وكبير مثلآ نجيب الزجاجه دي ونشيل الورقه بتاعة العصير ونغسلها كويس لحد ماتبقى شفافه ونجيب زجاجه تانية ونعمل نفس الحكايه ونحط جواهم نوع من انواع البقول مثل اللوبيا أو أرز أو عدس …. ونجيب شريط ستان ونربطه حوليها يكون بنفس لون الغطا ويوضع الزجاجتان في المطبخ أمام بعض أوجنب بعض ديكور للمطبخ .

2- (علبة الكانز) نفتحها بفتاحة السمنة ونغطيها من بره بأي بواقى قماش يكون شكله حلو ستان دانتيل نلزقه بمسدس الشمع ونحط وردة للديكور وتستخدم لوضع الأقلام فيها على مكتب الأطفال أو الكبار كمان .

3- (شنطة الخروج بعد إستهلاكها ) يفضل لو ذات يد قصيرة نغطيها بقماش أيضآ وشريط ستان نلزقه مائل ونعمل فيونكة ونجيب مشبك غسيل ونلزقه على الفيونكه وتكون في الأخر شنطة مشابك تعلق على باب البلكونة او الشباك .

هل لديكي أفكار أخري شاركيها معنا .