الرئيسية / مطبخ / نصائح منزلية مهمة

نصائح منزلية مهمة

1 . كلنا عندنا مشكلة ان الخضرة والقدونس بيدبلو و يبوظوا بسرعة في التلاجة فالحل هو انك اول ما تشتري الخضرة .. اغسليها ونشفيها و هاتى علبة متوسطة من علب التلاجة البلاستيك الي عندك .. وحطي في الارضية بتاعها ورق كلينيكس او ورق مناديل مطبخ السميكة دي وحطي بعدها الخضرة او البقدونس .. و حطي بعد ما تخلصي وقبل ما تقفلى العلبه ورق فوق تاني غطي بيه باقي البقدونس .. كده هيعيش معاكي فترة اطول و يحتفظ بلونه الأخضر وميصفرش ولا يبوظ.نصائح منزلية مهمة 2 . لو جيتي تسلقى بيض .. خرشوف .. كرنب .. اي حاجة من الحاجات الي بتطفى شكل الحلة بعد السلق دي .. وعاوزة الحلة ترجع زي ما كانت .. حطي فيها ماية و حطيها عالنار .. وحطي في الماية قشر ليمون .. وبعد ما تاخد غلوتين تلاتة .. اغسليها عادي هتلاقيها رجعت جديدة زي ما كانت بدون أي تغيير . 3 . لو عندك مكان معين متأكدة ان مصدر دخول وخروج النمل وعاوزة تتخلصى منه فعلا .. هتروحي تجيبي ورقة جرنال او ورقة كراسة او اي ورقة .. و تروحي عالبوتجاز وتحرقيها ,, و بعدين تلمي الرماد الي اتحرق ده برفق .. و روحي على المكان الي فيه تجمع النمل .. و حطي الرماد ده .. هتلاقي النمل اختفى تماما من المكان .

4 . لو قلقانه من الخضروات و الفواكة و انتي بتغسليها انها برضو مش نضيفة .. اتعودي دايما تجيبي الحلة او الطبق الي هتغسلى فيه الفاكهة و الخظار وحطي معلقة واحدة كبيرة خل في الماية الي هتنضفى بيها الخضار و الفاكهة .. الخل هيتقتل اي جراثيم ممكن متموتش بالغسيل العادي وهيخلي الفاكهة والخضار زي الفل .

5 . لو عندك بيض بقاله مدة في التلاجة وعاوزة تستعمليه وعندك شك ان كان بايظ ولا لاة .. هتجيبي البيضة وتجيبي كوباية ماية ساقعة مدوبة فيها معلقة ملح .. و حطي البيضة في الكوباية .. لو طفت على السطح .. تبقي باظت .. لو وقعت وسقطت تحت تبقي بنت حلال و اصيلة و لسة زي الفل . 6 . حذااري ثم حذااري انك تكوني ماسكة سكينة بتقطعي بيها لحمة او فراخ وتخلصى مهمتك و تجيبي نفس السكينة وتقطعي بيها خضار او فاكهة . لان الحركة دي ممكن تعمل تسمم غذائي  لأسرتك كذلك القطاعة الخشب او البلاستيك اللي بنقطع عليها لحومنا وخضرواتنا .. متقطعيش عليها لحمة او فراخ وتشيليهم وتحطي خضار ولا فاكهة . برضو هتجيب تسمم غذائي اغسليها الأول كويس جدا وبعدين استخدميها في تقطيع اي حاجة تانية .

7 . لو عاوزة تسلقى بيض و وانتي بتحطيها في الحلة اتشرخت شرخ بسيط .. حطي في ماية السلق معلقة خل او شوية ملح في ماية السلق .. و بكدة هتستوي جوا قشرتها ومش هتبوظ ولا حاجة خالص .

8 . لو بتسلقى بقوليات .. زي الفاصوليا البيضا واللوبيا . كذلك سلق اللحمة والفراخ .. متحطيش الملح إلا في الاخر خالص بعد ما الاكل يقرب يستوي .. لان لما بتحطي الملح .. مدة السلق بتطول اوووووي بعكس لما متحطيش الملح وتستني لما تستوي

ربما يهمك أيضاً


شاهد أيضاً

طريقة عمل شرائح اللحم المحشية دايت طعمها لذيذ جداًُ

طريقة عمل شرائح اللحم المحشية دايت طعمها لذيذ جداًُ

طريقة عمل شرائح اللحم المحشية دايت طريقة عمل ضلوع اللحم بصوص الباربيكيو دايت مكونات شرائح اللحم المحشية: …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!