الرئيسية / نصائح سريعة لكل أم جاية على نفسها ومقصرة فى حقها

نصائح سريعة لكل أم جاية على نفسها ومقصرة فى حقها

نصائح سريعة لكل أم جاية على نفسها ومقصرة فى حقها

بلاش تقصرى فى حق نفسك .   ليه تأكلى بواقى الأكل . ليه تشربى مكان ولادك فى الكبايات . ليه لما بتأكلى مش بتسخنى أكلك . نسقى طبق الأكل بتاعك . إشربى فى كاسات مش فى بلاستيك . طقم الصينى بتاعك بلاش تقولى أسيبه للضيوف والبنات لما تكبر!!!!! إستخدميه وأنتى بتاكلى ليه تسرعى نفسك وتاكلى وانتى واقفة !!! اقعدى وفى مكان مريح وامضغى الأكل بهدوء . المقولة الشهيرة (مش بعرف أكل لوحدى) طب ليه!!! جعانة كلى واستمتعى بالأكل ليه تأكلى أكل مش بتحبيه .

..خصصى وقت لنفسك إقرأى و إتعلمى و إتفسحى و مارسى رياضة .

..نظمى وقتك                                                                      متحمليش نفسك أكتر من طاقتك                                             متأجليش حاجة على حساب حاجة تانية عشان مضغطيش نفسك .

…اهتمى بالترويح عن نفسك شوية . إخرجى وإشربى أي عصير بتحبيه وكلى أيس كريم . خصصى يوم فى الشهر مثلاً لمقابلة أصدقائك أو الناس اللى بتحبيى تقعدى معهم المهم تغيرى جو الروتين اللى إنتى عايشاه عشان متقوليش أنا تعبانة محدش حاسس بيه( لأ حسى إنتى بنفسك) ومتنتظريش أى نظرة شفقة ولا عطف من ولادك أو زوجك .

أعمالك المنزلية خلصيها وولادك صاحيين عشان لما ينامو تعرفى تستمتعى بالوقت ده وتأخدى قسط من الراحة وكمان تقدرى تكملى اليوم مع ولادك لما يصحوا بكل حيوية ونشاط .

الأمومة شئ معنوى جميل جداً وله قيمته اللى مش بيتقدر بثمن عشان تحافظى على عطاء الشعور ده لأسرتك  إهتمى بنفسك أولاً  بدل متوقعى وتبقى عبئ على أسرتك والمفروض تكونى مصدر السعادة و الفرح ليهم .

شاهد أيضاً

فساتين أطفال وبنات غاية فى الروعة 2018

فساتين عيد بناتى وأطفالى 2018

فساتين عيد بناتى وأطفالى 2018 فساتين أطفال وبنات جميلة جداً 2018 أخر صيحات فساتين الاطفال …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!