الرئيسية / تربية ذكية / حاجات لازم تعلميها لبنتك

حاجات لازم تعلميها لبنتك

علمي بنتك أن:-

حاجات لازم تعلميها لبنتك

 1- تلبس الشراب مرة واحدة

2- تغسل رجليها من ريحة العرق بعد ما تقلع جزمتها

3 – الاندروير يتغير كل يوم وبعد كل خروجة فيها حركة

4- تغير الباد وقت الدورة 3 مرات في اليوم

5- اندرويرات وقت الدورة مبتتحطش مع الغسيل ..تتنقع وتتغسل لوحدها

6- الاندرويرات عموما يا تتغسل لوحدها على حرارة عالية يا تتنقع لوحدها بشوية مسحوق قبل ما تتحط مع باقي الغسيل

7- تستخدم المناديل تنشف بعد الحمام ويبقى فيه باسكت في الحمام تترمي فيه

8- متسبش اي اثار على القاعدة تتمسح بماية بديتول أو كلور أو كحول أو وايبس مطهرة وتشد السيفون وتغسل اديها

 9 – الاندرويرات حاجة خاصة متتسابش ومتتنشرش في اي حتة اللي رايح واللي جاي يشوفها

10 – تتخلص من الشعر تحت الابط باستمرار

11- تغسل تحت الابط وتتخلص من ريحة العرق باستمرار

12- تغسل سنانها قبل ما تنام واول اما تصحى ووبعد لما تاكل اكلة فيها بصل أو ثوم

13- تستحمى لما تلاقي نفسها غرقانة عرق مش تفتح التكييف

14-هدومها العرقانة تحطها في الغسيل مش تسيبها تنشف وتلبسها تاني

15-هدوم البيت بتتغيير مع الحموم عشان بتعرق زي هدوم الخروج

16- ظوافر اديها ورجليها على طول نظيفة ومقصوصة او متزبطة

17- كعب رجليها يتنضف بمبرد او حجر مع كل دش

18- تحافظ على ريحة شعرها حلوة.. الشعر الطويل التقيل لما بيتغسل ويتلم كحكة وفوقيه طرحة بيكمكم والتوكة القماش بتعمل ريحة وحشة للشعر ..يتعمل ديل حصان او ظفيرة او يتسيب ينشف او يتنشف باستشوار من بعيد .. والزيوت في الشعر بتعمل ريحة تتغسل بعد ما تتحط للتقوية ..

19- الشعر اللي بيقع في المشط بعد ما تسرح ميتسبش فيه وميترميش في اي حتة.

20- الحبوب اللي في وشها عايزة نظافة واهتمام

21- تغسل اديها قبل ما تمسك اي أكل وبعد ما تاكل حاجة باديها عشان جوزها يدعيلك وميدعيش عليك .. عشان محدش يتعامل معاها ويقرف منها ومنك عشان عيالها يطلعوا نظاف المستوى الراقي تربية نظيفة مش تعليم المدارس الأجنبية الست الراقية راقية في نفسها مش وظيفة في شركة مالتي ناشيونال ولبس سنيه الهاي كلاس اسلوب حياة مش براندات وعربية وموبيل اخر موديل.

شاهد أيضاً

أحكام الوضوء بالصور للأطفال

أحكام الوضوء بالصور للأطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!